رحلة بحرية

طلعت يوم الخميس الصبح في رحلة بحرية بصحبة مجموعة من الاصحاب الى منطقة(أبوطير)طبعا الجو كان معتدل والبحر رايق

بدأنا الرحلة الساعة 8.30 وكنا 7أشخاص

وصلنا لأبو طير واول ما سحب البريك سواق اليخت ماتشوف غير نقز في الموية وبلبطة وسباحة والموية بااااااااااااااااااااردة وسمك القرش يرحب بينا 🙂

شوية بدأنا الصيد وطلعت الصنارات والله وصاحبكم اللي هو انا يستلم الصنارة وبسم الله

والله وشوية اول سمكة تطلع

ياراجل مو معقولة

اصطدت ناجل

شويتين كمان وحده تانية

برضو ناجل

الله الله على الاحساس

اول مرة احس بانو للصيد متعة

طبعا انواع البرونزاج اللي قلب حروق في الاخير لانو الشخص المسئول عن اغراضنا نسي الزيت حق التشميس في السيارة(الله يفشلك) والله لا يوريكم على البرونزاج

خلصنا ورجعنا على الساعة 3.30

طبعا ماتحس الالم الا لمن تجي تفصخ وتستحم

بس الفلة اني اخدت حبوب الدوار قبل ما اطلع ومادخت وقضيتها نوم وترجيع الله يكرمكم زي الرحلة الماضية(ولا كيف يا شباب الاتنينية)المرة دي استفدت من الفلوس اللي دفعتها

اسيبكم مع الصور اللي طلعت بيها من الرحلة

السمكة اللي صدتها