أول الأيام – ٢

طيب، زي ما كتبت في الموضوع السابق، شديت الرحال لتامبا- فلوريدا.طبعاً أول شئ وأهم شي كنت شايل همو موضوع السكن، وبحكم اني ما أعرف أحد -بتاتاً البتة- في تامبا، فكنت شايل هم كيف حألاقي سكن وأنا أول مرة أطب في البلد. كنت قبل ما أمشي من السعودية سألت المعهد اذا يعرفوا عوائل أو اي سكن يتعاملو معاه يكون أحسن وأضمن وبالفعل أرسلولي لسته فيها كم سكن . ممكن أحد يسأل: طيب ليش ماسكنت في ال Dorm فالجواب: أنا أهم شئ عندي لما اسافر واسكن في مكان انو يكون بيت الراحة -الله يكرمكم- خاص وليس مشترك. يعني لو يكون السكن خرابة بس حمامي لحالي دا يكون عز الطلب.المهم وزي أغلب ال Dromat الحمام يكون مشترك بين غرفتين أو أكثر، وشي اضافي انو أغلى من السكنات الي برة الجامعة والمسافة مهي بعيدة باستخدام باصات الجامعة اذا سكنت بره .وبالفعل قبل ما أسافر من السعودية كنت حجزت في فندق لمدة عشرة أيام على أساس في أسوأ الظروف ماقدرت الاقي شي في أول يومين أكون مأمن سكني.وصلت تامبا وأخدت تاكسي وعلى الفندق عدل، استلمت مفتاح الغرفة ورحت لغرفتي وحطيت عفشي ورجعت للاستقبال عشان أسأل اذا عندهم انترنت- بحكم انو ماكان معايا جهازي لسه- وأسألهم اذا اقدر اطبع العناوين حقت السكنات عشان أقدر أبدأ جولاتي. البنت الي في الاستقبال ماقصرت وخلتني استخدم كمبيوتر الاستقبال واطبع الاوراق.سألتها وأنا خارج: قد ايش يبغالي عشان اوصل للجامعة- لان السكنات اغلبها حولها.المفاجأة كانت: تقريباً ٣٠ دقيقة بالسيارة.

“حلاوتك”

أنا طبعاً راح عن بالي لما حجزت الفندق اني اشيك مكانو وبعدو عن الجامعة.رجعت غرفتي وبدأت احط كل الاحتمالات والحلول. بدأت اول شي اتصل بالسكنات الي عندي في اللستة. وكل ما اتصل على واحد يقولولي: اسفين نحن “فل” وماعندنا غرف فاضية.طيب والحل؟؟ وكيف حأقدر اروح واجي ؟ تكاسي غالية واصغر مشوار حيكلف ٢٠-٣٠ دولار. يعني خلال يومين حأفلس واتورط. في وسط المعمعة تذكرت صاحبي مهند الي في أورلاندو- وسبحان الله بعد غيبة قابلتو صدفة في مطار نيويورك وأنا جاي- وعلى طول اتصلت عليه أسألو عن الحل. قالي أول شي تنقل لفندق قريب من الجامعة عشان تقدر تروح وتشوف الاماكن ولو برجولك لانها حتكون قريبة منك. واله بالفعل على طول افتكرت الفندق الي المعهد يقولوا للطلاب يروحوله اذا وصلوا متأخرين وما عندهم سكن، اتصلت وحجزت على تاني يوم. قفلت وعلى الاستقبال على طول شرحتلهم الوضع وتفهموا ورجعولي حق الثمانية أيام الباقية. 

يتبع…. 

Advertisements

2 thoughts on “أول الأيام – ٢

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s