أول الأيام – ١

أول ماوصلت أمريكا نزلنا في مطار نيويورك لزوم التفتيش واجراءات الوصول، وبحكم اننا جيين من بلاد الحرمين فمعروف كيف الوضع لما توصل هنا. كل الناس قالولي احسب حسابك تقعد مدة طويلة في المطار لانهم عادة يسووا زي كده للسعوديين. اتوكلت على الله ونزلنا من الطيارة وساقونا الي غرفة الانتظار واخدوا اوراقنا وقالولنا ننتظر يتنادى علينا. من كرم ربنا ما اخدت ساعة ونص الا وأنا مخلص أموري وراكب الطيارة عشان نكمل لواشنطن. وصلنا العاصمة واستلمنا العفش و لقينا ناس من الملحقية السعودية في انتظارنا عشلن ياخدونا للفندق، الي صار اني حجزت فندق من السعودية عشان لا اتورط ، بس طلع ان الملحقية مشكورة تنزل الواصلين جدد في فندق – مو على حسابها- وتتكفل بالمواصلات الى المطار عند المغادرة. مضطراً رحت للفندق الي حجزت فيه وقلت حأنام فيه ليلة وحده وتاني يوم حأروح للفندق حق الملحقية حسب نصيحتهم، الفندق الي نزلت فيه كان قريب جداً من الملحقية وفي منطقة جميلة . وصلت في الليل فحطيت عفشي وطلبتلي عشاء فاخر – بيتزا هت- و نمت بدري. صحيت تاني يوم ورحت برجولي للملحقية وكان مشوار جميل والجو بديع. خلصنا من الملحقية وعملت check out من الفندق ورحت مع الطلبة بالفان حق الملحقية للفندق التاني، هنا اتعرفتلي على شابين ظراف وبدأت صحبتنا من هناك وواحد منهم لازال على اتصال دائم بي. وصلنا وطلعنا عفشنا وقررنا ناخد جولة حول الفندق برجولنا. كل واحد مننا يحكي القصص الي صارت معاه في الرحلة. بعدها قررنا نروح نتعشى فطلبنا تاكسي ورحنا لبيتزا هت واتعشينا ورجعنا الفندق لانو تاني يوم رحلاتنا كل واحد للبلد الي حيدرس فيه. تودعنا على أمل اللقاء قريباً وكل واحد ركب الطيارة واتيسر.

Advertisements

One thought on “أول الأيام – ١

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s