ريحة “القرموشي” ولا عدمو

طبعاً في بلاد الغربة يصير الي متعودين عليه وطفشانين منو في السعودية، شي مطلوب ومن الاساسيات.

من الحاجات الي افتقدها والي اعزها “المعصوب” وآآآآآآآآه على ذكريات المعصوب. سواءاً ايام المدرسة ، او الجامعة -بين المحاضرات- او حتى أيام العطالة بعد التخرج. لكن الذكرى الأجمل تبقى أيام الشغل في الجامعة قبل الابتعاث. وخاصة أن يوم الأربعاء من كل أسبوع كان محجوز من بداية الشهر لفطور من العيار “الملكي”.

 

صحيت اليوم على ذكرى ال”مسعود” كما سماه زميلنا المصري في العمل عندما عرفناه عليه لأول مرة واصبح مدمناً عليه. فقررت أن أستعين بالموارد المتوفرة لدي وعمل المعصوب.

١/٢ رغيف خبز حب(من البقالة العربية طبعاً)+ المتوفر من خبز التوست الاسمر

موز (انت وهواك بالنسبة للكمية)

الطريقة: تسخن الزيت وتحط الخبز بعد تقطيعه قطع صغيرة والتقليب على نار متوسطة.

تضيف قطع الموز بعد فترة وتستمر في التقليب.

عندما يصل المعصوب الى الدرجة التي تريدها، اطفئ النار واضف العسل حسب الرغبة.

طبعاً ممكن اضافة القشطة الى المعصوب اذا رغب الزبون بذلك 🙂

وبالعافية

تحديث: المقادير أعلاه لاتعتبر المقادير الاساسية، هادا الي كان متوفر عندي 🙂

وآدي الصورة

Advertisements

17 thoughts on “ريحة “القرموشي” ولا عدمو

  1. ما شاء الله عليك ..
    أحلى شي في البعثات ان الشباب يعتمدون على انفسهم ,
    ويرتبون امورهم بنفسهم .. .. يبغالي بعثة عشان اتأدب !!!
    مع اني بنت .. .. بس لا تدقق !

    نجي على الطبخة ” مع انه اسم طبخه كبير عليها .. بس يلا بمشيها .. .. 😛 ”
    اممممم !! اسمها المعصوب .. هذي حجازيه والا كيف ؟؟
    طيب كيف الموز على هواك .. يعني ممكن خبز وزيت بس ؟ والا ايش المقصود ؟؟؟
    فيه عندنا طبق في نجد اسمه ” حنيني ” >> يا عيني عل الأسم !!
    ( اسماء وأشكال طبخاتنا شي عجيب .. .. ما فيها الا طعمها ! وهذا يدل على ان ثقافتنا ما تهتم بالابداع والفن والشكل الجميل )
    >>> اعرف طلعت عن الموضوع .. ما عليك هذا اختصاصي !
    ارجع للحنيني .. .. نفس الطريقة خبز ” بر ” ويعجن مع الزبده وينحط معاه تمر كله على النار ” يمي يمي ” .. احسه شبيه بالمعصوب والا ؟؟

    كثرنا حكي 🙂 ..
    سلام

  2. يوسف رفه: مرحبا بك. وانا دايماً باحاول احط المقادير بس الكلام على الي يبغى يتعلم، يورينا عشان نتأكد 🙂

    MiLyAni : الله يعافيك واشتهيتكم معايا. وبعدين مادام زوج عمتك فنان فيها فالمرة الجاية ان شاء الله لما اجي السعودية عليك تعزمنا.

    nOuf.a.s: والله يبغالك بعثة وبقوة 🙂 لانك حتتعلم حاجات عمرك ماحتفكري تسويها وانتي في السعودية.
    المعصوب -حسب علمي- أكلة يمنية أصلاً وانتقلت لنا زي كل الاكلات التانية.
    بالنسبة للموز قصدت انو الكمية حسب الرغبة،، بس لازم من الموز وهو شئ أساسي
    الحنيني أعرفه مزبوط وجربته: جيد بس من النوع الثقيل، يعني يعتبر وجبة متكاملة. الي اسمع عنه ولا جربتو “المراصيع” او “بان كيك النجديين” 🙂 ترى عندي أصحاب من كل الثقافات.
    وعلى سيرة الحاجات دي فالشئ المفضل عندي “الفتيت” واتمنى انك تكوني تعرفيه لانو فيه ناس كثير للأسف مايعرفوه حتى لو كانوا من المنطقة الوسطى.
    بالفعل كثرنا حكي 🙂
    نورتي المدونة

  3. محمد بن سالم: هههههه والله أنا عن نفسي ماحأقول لأ، بس الصراحة ما ابغى أكلف عليك، غير اني مقصر في حقك كتير فيعني يبغالي كتير عشان أرد الجميل.
    هممممم ممكن تكون تجربة مثيرة؟؟ بس ما أعرف الأمريكان حيعدوه في البريد ولا حينفجعوا من شكلو 🙂
    على العموم ياسيدي هادا عنواني مش بس عشان المعصوب الملكي، عشان يكون عندك اذا احتجت شي من هنا:
    شيك على ايميلك يا محمد 🙂
    لأسباب أمنية مش حأحط العنوان هنا (المعجبات).

  4. بندر: وعندك واحد حماااااس وزبطو 🙂

    مؤيد الرفاعي – مدون جُمجُمة:
    هههههههههه كلاوي ايه ياعم. يمكن المنظر مش زي المعصوب حق القرموشي او ابوزيد ، بس ياعم مشي ولاتدقق

    يالله منتطر النتايج وياريت بالصور.
    تسلم على مرورك الكريم

  5. عم احمد ابغى اقول لك شي بس امانه ما تزعل..

    ترى امس رحت على FEDEX ومعاي احلى صحن معصوب ملكي و خليت لك العسل برة

    عشان لما يوصلك تحطه بنفسك و يكون طازج بس للأسف ما رضوا ياخذوه بحجه اانو ممنوع

    يشحنوا مواد غذائية جاهزة.. مالي غير اعزمك في احلى قرموشي لمن تجي و اصلا انا مقهور

    لان محاولتي فشلت في ارسال المعصوب

  6. محمد بن سالم: ياعم محمد
    ياسيدي
    يا راقي
    ولك أبوس روحك
    والله للرقي أهله…. وأنت الرقي كله
    أحرجتني… وما اعرف ايش اقول
    بس تعرف…أنا اعتبرت الامانة وصلت
    وبرضو لما ارجع ان شاء الله ماحأرد العزيمة
    ولك مثلها ان شاء الله
    🙂
    والله تعرف يا اخ محمد: فيه اثنين اتعرفت عليهم على النت ولاعمري شفتهم ولكن الله الي خلق القلوب جمعها وحط بيننا القبول:
    انت وماشي صح.
    وان الله كتب لنا عمر راح اشوفكم المرة الجاية لما ارجع اجازة باذن واحد احد.
    الله يجمعنا على طاعته ومحبته ويديم الود بيننا.
    🙂

  7. ,, طفلة ,,: صدقيني طعمو خطير ولذيذ.
    بس شيئين لازم تعرفيهم: الخبز لازم يتقطع قطع صغيرة حتى ينهرس مع التقليب على النار.
    والشي الثاني انها وجبة دسمة، يعني مش حلى ولا سناك. اذا عندك قشطة حيطلع المعصوب ملكي-علبة واحدة لكل وجبة معصوب
    اما المضاعفات الي ممكن تحصل فهي نتيجة : عدم غسل الايادي قبل وبعد الطبخ 🙂 او انو المواد المستخدمة منتهية الصلاحية.
    بالعافية مقدماً ومنتظر النتيجة.

  8. معصوووب ..
    والله الم
    في احد يدوق المعصوب وما يحبه .. دا حب من اول لقمة ..:)

    وزي ماقلت ريحة القرموشي ولا عدمه ..
    مع اني من محبي ابو زيد

    اول مررة اعرف انه اصوله يمنية ..
    معلومة جديدة ..

    تدوينة جميلة .. شكرا

  9. انا امس عند القرموشي اكلت فته ملكي اممممممممممممممممممممم طعم ولا في الاحلام
    بس ما اعرف الطريقه ياليت تساعدني وشكرا واتمنى لك التوفيق والنجاح

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s