إستجابة للشعب

بما انو كتير من الجماهير طلبوا مني احط وصفة الرز البخاري من بعد موضوع الرز

ونظرا للطلب المتكرر من المعجبين 🙂

اليكم الوصفة

بس بالله اللي يسويها يرسلنا الصور

وكل واحد يوزن المقادير

مليش دعوة اذا اتحرقت الطبخة

يالله جيبوا ورقة وقلم وتبعوا:طبعا المقاديرعلى اساس الطبخ بدجاجة وحدة وكل مازاد الدجاج كل مازادت المقادير ولازم تستخدم ملعقة خشب في جميع المراحل

١- تقطع بصلة لبصلتين حسب الحجم تقطيع ناعم

٢-نص كاسة زيت طبخ (مو زيت سيارات ياشباب) تسخنها في القدر، ومقاس الكاسة هو كاسة الشرب العادية

٣- تضيف البصل وتقلبوا الين يصير لونه دهبي بس لا يتحرق بعدين يقلب صيادية

🙂

٤-تحط الدجاج بعد ماتكون غسلتو ونضفتو وقطعتو اربع اوصال او ٨، تبدا بانك تحط الدجاج العظم على فوق -يعني مقلوبة على ضهرها- وتوزعها بحيث تغطي اسفل القدر وتغطيه بس بعد ٥ دقايق لازم

تقلب الدجاج على الوجه التاني وترجع تقفل القدر وتسيبه لمدة ١٠ دقايق

٥- تضيف كوب (حق القهوة)ونص عصير طماطم-مش المعجون-وشيك اذا الدجاج ماتغطى بالكامل زود شوية موية حارة الين مايتغطى الدجاج

٦- ضيف البهارات: ملعقة شاي ملح+ملعقة شاي كمون+شوية فلفل اسود+ليمون اسود

٧- قفل القدر لمدة نص ساعة -٤٠دقيقة الين يستوي الدجاج وتعرف انو استوى بانك تغرز سكين او شوكة في الدجاج فاذا انغرزت بسهولة معناتو انو استوى

٨- شيل الدجاج -بس مو تاكلو-وحط كوب ونص جزر وقلب وغطيه لمدة ١٠ دقايق الين ما الجزر يبدا ينهري

٩- هنا تضيف الرز-يفضل البسمتي ومعيار الرز كوب لكل شخصين-بعد ماتكون غسلتو ونضفتو وصفيتو وتقلب اول ماتحط الرز عشان تضمن انو

اتوزع مزبوط وتاكد انو المرقة او الموية اعلى من الرز بسنة-يادوب طرف اصباعك

١٠-حط النار على شي وسط وقفل الغطا مزبوووووط واتاكد انو القدر متقفل صح لانو دي اهم مرحلة

ويانعيش كلنا او نموت كلنا 🙂

١١-اعطيه نص ساعة تقريبا الين يستوي الرز ولا تفتح الغطا الا بعد مرور ٣٠-٣٥ دقيقة وجرب الرز اذا استوى ولاناقصو موي

يسير تزود شووووووية موية مغلية

١٢-اذا كل شي تمام حط الدجاج فوق الرز وغطيه مزبوط لمدة ٢٥-٣٠ دقيقة وبرضو على نار واطية ،هذه المرحلة اسمها(التدميس)ا

١٣-افتح القدر واتبخر شوية بالريحة وبالهنا والعافية

وابقى اتصور معاه وابعتلنا الصور

ملاحظة: بعض الناس يحبو يضيفو زبيب ولوز بعد مايغرفوا الرز وهادا شي راجعلكم

والي يبغى يرجع لموضوعي حق الرز البخاري حيلاقي شوية صور من الطبخة

 

مستني النتايج

🙂

 

Advertisements

7 thoughts on “إستجابة للشعب

  1. AWESOME MAN.. I wasn’t expecting the recipe would be sent this way.

    I liked everything the blog, although I don’t know what does it mean, the recipe, the pics and surpisingly your good sence of humor in your writing. It was really a funny reading.

    Oh the only thing that I could criticize is the font’s size. It’s too small to read.

    إلى الأمام أبو حميد

    Best regards

  2. شكرا على التحميس ياشباب
    واوعدكم الطبخة الجاية حتكون “سليق” ان شاء الله
    وبعد كده افتح مطعم واقلب البعثة بزنس

    سهى:شكرا على زوقك وكفاية انك عديتي
    بس لا تقطعينا من مرورك وتعليقاتك
    وحافتقدك والله والكلاس حيكون مضلم بدونك
    يالله ان شاء الله تروحي وترجعي بالسلامة واشوفك الترم الجاي
    🙂

  3. ya aam ahmed
    Tab aftkerna bekelma,credit should be for people who shared the recipe with you.

    Any way i was not expecting this degree of professionalism

    Good luck with next project (saleeq)

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s