كل الي يعرفني يعرف اني ماعمري طبخت شي اصعب من قلي او سلق البيض وعمل الشاي
بس من يوم ماجيت امريكا وانا مقضيها ساندويتشات
صاحبي السعودي-الوحيد الي مصاحبو في امريكا- وولد عمتو -من يوم ماعرفو اننا مصدري الرز البخاري وهم مستلمينني:فين الرز البخاري؟ متى تطبخلنا اياه؟ طيب بس جبلنا الوصفة
الصراحة انا اتحمست وطلبت الوصفة من اهلي في جدة واختي وزوجها في كندا وماقصروا
حددت موعد معاهم وكان الموعد المرتقب
وبدأنا المشوار(مو لوحدي ترى الشباب ساعدوني)؛
كل شي كان ماشي على الوصف
بس في النهاية لازم لكل شي بداية
واول مرة في كل شي الازم يسير غلط
بس الحمدلله من حظنا جات على اننا زودنا الموية شوووووية
بس برضو احنا شباب ناكل الزلط في الغربة 🙂
والله وصرت اطبخ
اييييييه صحيح الغربة تعلمك اشياء كتير
تحديث :
بس الشكر الجزيل لاختي وزوجها للدعم الفني من كندا
اسيبكم مع الصور
ومنتظر التعليقات
أحـــمـــد قـــوشـــمـــاق 
حمااااااااااااااااااااااس
بالعافية يا شيف أحمد …
والله شكله يشهي …
طيب بالمرة حط الوصفة خلينا نشوف كيف و إيش …
بدل الإندومي إللي أنا بأتفنن فيها …
أحسنت صنعاً .. كلكم ..
فللللللللللله يا واد و بالعافية عليكم
حركات والله يابوحميد
الظاهر إن السفره من السعوديه
و لا أنا غلطانه
بندر
ولا تزعل أنا أعلمك على أحلى رز بخاري بس أنتظر شويه
لا والله إجي منك, وترا حالي حالك برضوا إحنا في الهوا سوا.
بس على فكره مو ناقصك إلا لمسه يد من بخاري,إذا مريت يوم على كنيكتك إلي جنب نيويورك
في واحد بخاري عايش هناك يوم توصلوا ازهم عليا و نستلم الرز البخاري على اصولوا من عندو.
و بالتوفيق لجمعيع الحجازيه المتغربين.
وهدا سلامي من خويكم سمبوسه.
ماشاء الله
هني وعافيه يالغلا
وان شاء الله دوووووووم
نوف الشرقاويه
الغربه واللهي صعبه والله يعينك عليها
واكيد رح تشتاق للاكل العربي …
بس ماشاء الله الاكله شكلها مزبوطه ..
حظ المبتدئين .. 🙂
ويلا بالتوفيق لعمل اكلات تانيه ..
سي يو سوني اركسون
لووووووووووووووووووول,,,,,,,انا كنت بعمل سيرش في جوجل عن الرز البخاري وطلعلي البيج حقتك خخخخخخخخخخخخخخ
ترا وضعك نفس وضعي…من يوم ماعرفو البنات في امريكا اني مصدر للرز البخاري امتحنوني..
تكفى ياولد عمي اسعفني بالوصفه ..طلببببببببببتك,,,,,,,, الويكند دا متجمعين البنات على شرف الرز البخاري..
بصراحة نايس أنا سعيدة بأنجازاتك الطبخية خخخخخخ
يلا بدنا نتابعك يا أحلى شيف
ولك يسلموا الايادي هههه
ماشاءالله ممتاز
يديك العافيه