إلى من يهمه الأمر

 كان من المفروض أكون دحين في تامبا -فلوريدا بس سبحان الله ربنا لمن يريد بالواحد شي مايرد مشيئتو شئ

كنت مرتب نفسي ومجهز أموري على أساس أمشي فجر الخميس بس قبلها بيومين في هاجس جاني يقولي (بدري) بس مادققت لأني خلاص رتبت نفسي على كده

ليلة السفر كنت مع واحد من أعز أصحابي بنتعشى وبعدين خلصنا وجا وقت الوداع فقالي انو فيه واحد صاحبو في نفس المدينة(تامبا) وكان أعطاني رقمو من أول فنصحني اني أكلمو قبل ما أسافر علشان اذا يقدر يساعدني بشي وبرضو يكون عندي أحد في البلد أرجعلو اذا احتجت شي

بالفعل رجعت البيت وكلمتو فالراجل ماقصر رحب بيا ومد يد المساعدة من بدري بس نصحني اني اذا اقدر اأجل الرحلة لانو الوقت بدري والفترة اللي حأقعدها كتيرة نسبيا(3-4 أسابيع) وعندهم اجازة في المعهد 3 أسابيع وهو راجع السعودية اجازة

والله وبالفعل كأنو كلامو وقع في نفسي موقع استحسان

صليت استخارة ونمت وصحيت الصباح في نفس يوم السفر وقلت دحين تبان الاستخارة اذا الموضوع مشي سهالة فالحمدلله واذا اتعقدت وقالولي مافي حجوزات اسافر

اتصلت على رقم الخطوط وطلبت تأجيل الحجز وفي خلال 5 دقايق او أقل كنت مأجل الحجز وعرفت انو ربنا رايدلي الخير

طبعا في نفس اليوم اللي مفروض اكون مسافر فيه حصلت المشكلة اللي في مطار هيثرو بلندن وطبعا رفع درجة الخطر اللي اعلنت في نيويورك

كنت نايم يوم الخميس(يوم المشكلة) وما ألاقي غير أخويا بيدق عليا ويقولي أحسن انك ماسافرت ربنا ستر عليك

سألتو : ليش؟

قالي بالمشكلة اللي حصلت

الحمدلله

دحين مفروض أسافر يوم 29 أغسطس إن شاء الله

Advertisements

One thought on “إلى من يهمه الأمر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s