الحالة صعبة

طبعا قبل ما اتلقى تلفون السفارة كانت وزارة التعليم العالي الموقرة طلعت قرار بايقاف برنامج الابتعاث مؤقتا الى شهر رجب بحجة"التنظيم والاستعداد للاعداد المتوقع تقديمها لطلب الالتحاق بالبرنامج" …ياسلام يعني سنة كاملة في المرحلة الاولى ما قدرتوا خلالها تقييم الوضع وتغيير الانظمة وترتيب الامور؟؟؟؟ شي غريب فعلا لكني ما استغربتها من الوزارة لانها عودتنا على اكتر من كده, طبعا بعد ماجاني تلفون السفارة رتبت نفسي على اساس انو الوزارة حتفتح تاني في رجب والمعهد اجلت الدراسة فيه الى الكورس الجي الي مفروض يبدا في سبتمبر.المفاجأة التانية انو الوزارة قررت بين ليلة وضحاها تقديم البرنامج الى جمادى التاني(يوليو)وكانهم ناموا وحلموا بالموضوع وصحيوا يطبقوه!!!!فعلا شي عجيب ولاتقول انها وزارة التعليم العالي اي التفكير الراقي والمستوى ال …..اوه اسف نسيت انها دائرة حكومية

المهم ياسادة يا بالحليب 🙂 انا ارتحت لانو كده الوقت حيكون ان شاء الله في صالحي اذا ماصارت اي لخبطة تاني

طبعا ارسلت للمعهد طلب تاخير وعلى الفور تجاوبوا ووافقوا على التاجيل

منتظر اموري تخلص مع السفارة الامريكية والوزارة تفتح من تاني علشان اخد قرار الابتعاث

بس بعد دا كلو جلست افكر مع نفسي: انا ابغى اطلع لامريكا حبا فيها ولا مكره اخاك لابطل؟؟ طبعا انا كنت من المتحمسين لفكرة الابتعاث بغض النظر عن المكان ولكن لمن صارت الاحداث هنا في القنصلية في جدة وشفنا الذل والهوان بنفسنا كرهت الموضوع واخذت قرار اني اذا لقيت فرصة وظيفية ممتازة راح اغض النظر عن موضوع البعثة دا ولو لمدة سنة او سنتين الين اوزن الامور واشوف ايش الاوضاع ولكن (حسبي الله ونعم الوكيل)على اللي وقفلي في وظيفة صافولا وبعدها رجعت اسعى في موضوع البعثة لاني اكتشفت انو البلد دي ياتكون مسبع نفسك بشهادة او واسطة غير كده أنسى

الله يقدم اللي فيه الخير

Advertisements

4 thoughts on “الحالة صعبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s