ليش كده؟؟؟؟

احيانا يكون عندك صديق او قريب وتجي تبغى تساعدو ,بس يجي هادا الصاحب يعمل حركة بااااااايخة تسئ لسمعتك وينقلب الموضوع الى مشكلة لك انت رغم انك ساعدته وبس

ايش يكون موقفك وقتها؟؟؟؟

هل من حقك تزعل وتعاتب صاحبك؟؟؟؟

او تقول في نفسك:انا استاهل اللي جاني وماني مساعد احد بعد اليوم؟؟؟؟

باسالكم هادا السؤال لانو صارلي موقف مشابه

عندي صاحبي كلمتلو الشغل عندنا علشان يوظفوه خاصة وانهم كانوا محتاجين واحد وكان هو الاقرب للوظيفة

الولد الصراحة مخو نظيف ككمبيوتر وبرمجة وكل شي بس عندو مشكلة ماني عارف ايش هي

عندو عدم الاحساس بمسئولية العقد او الناس اللي بيشتغل عندهم

يعني معقول انا اوظف واحد وبعد كم شهر يسيب الشغل ويمشي بدون مايديني خبر

او حتى يقدم استقالة؟؟

بالله هادا كلام

اوكي يمكن احيانا احنا-كشباب سعودي-بننظلم وماناخد الفرصة كاملة بس هادا مو معناته انتقم من الناس حتى لو كانوا غلطانين في حقي

صاحبنا دا بعد ما جبتو الشغل عندي-ووالله بتوصية مني ولا ماكان يبغوا يوافقوا عليه-واشتغل وانبسطوا منو الجماعة هنا

جاتو البعثة لامريكا

حلو ومحد يكره لاحد الخير

رتب امورو وزبط كل شي وجا ماشي

قلتله كلمهم وقلهم انك ماشي

ما اتجاوب معايا

قلتله طيب قدملهم خطاب استقالة

برضو مافي تجاوب

اخر شي قلتله ياعمي بس كلم المدير بالتلفون وقله انك ماشي

ماراح يطلع من السماعة ويعضك

او يوقفلك في المطار ويمنعك من السفر

ولا حياة لمن تنادي

اخينا سافر وسابلي الجمل بما حمل

اجهزة بدون باسوورد

ماسلم مفتاح المكتب

ماقدم خطاب استقالة

ولا اداهم خبر

صحيوا يوم لقوا الاخ مافي

فمين اللي في الصورة قدامهم؟؟؟؟

أنا

ليش ماكلمنا؟

ليش ماقدم استقالته؟

ليش ماسلم المفاتيح؟

انت اللي حرضتوا على كده

تخيل انا يجيني الكلام دا كلو من ورا راسو

وانا اللي جبتو لنفسي

ابغى رأيكم بكل صراحة

هل انا غلطان؟؟؟

Advertisements

7 thoughts on “ليش كده؟؟؟؟

  1. اسم صاحبو … سامي الزهراني
    وفعلا خانه … لكن غصب عنه و اعتذر
    لكن يبدو انه مش كفاية
    احيانا الظروف تكون اكبر من الواحد
    احيانا ما يقدر يشرح و يخبر بكل التفاصيل
    احيانا يوصل لدرجة ممكن ينهار
    ومازال الاعتذار مايفيد
    ودي ارد و اوضح اشياء لكن افضل السكوت حفاظا على ما بقي من الصداقة

    أنا غلطان و الغلط راكبني من ساسي لراسي
    و أنا آسف

    لكن يبدو اني دخلت قائمة المغضوب عليهم
    عموما هذا اختياره … وانا اقر بخسارتي

    لكني بشر من لحم و دم
    و….و…و…ولا استطيع قول المزيد غير ان هم الغربة لم يعد وحيدا فقد انضم اليه صديق جديد

    !صديق وفي!!!!

  2. لا يا سامي لسه مادخلت قائمة المغضوب عليهم
    ولا اظنك حتدخلها
    بس العتب من المحبة يقولوا
    انا مجرد باشكي على اللي بيصير لي هنا في الشغل لا اكثر ولا انت اكتر واحد ياسامي تعرف انا اقدرك واعزك قد ايه بس برضو انت غلطان
    بس مسامحك…..من قلبي

  3. بلاش أفلام هندية .. أنا دمعتي قريبة ترى

    أحمد .. أجل لو يدروا إنك إنته رايح وراه إيش يعملوا
    يقفلوا الجامعة

    هاهاهاهاهاه

  4. Awww I second Yousef, Fallaaaah yo! 3ad I am one who LOVES drama.. thank you, boys!

    ps: A7mad, I think you have a big heart. When I was in a similar situation.. I just cut the girl off altogether.. now I miss her very much but there isn’t much I can do.. my pride gets in the way of any possible reconciliation… so I’m just very lonely.. (she was my best friend for very long) so I salute you for handling it as such.. very mature, mashallah!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s