ويستمر المسلسل المكسيكي (السفارة الأمريكية)ا

التاريخ:يوم السبت22 ابريل

الوقت:الساعة السابعةوالنصف صباحا

المكان:السفارة الأمريكية

وصلت للسفارة ولقيت طابور يستنى قدامي,تقريبا كنا حوالي 100 شخص او اكثر

المهم وقفت انتظر دوري عشان ادخل حوالي ساعة في الجو البديع حق الرياض

وصلت للبوابة

تشييك على الاسم والموعد

قفل جوالك واعطينا هو

تفتيش

وكمان تفتيش

دخلت للسفارة..اخيرا بعد انتظار دام شهور

كاني في حلم

اخذت رقم وجلست انتظر

اوراقي كاملة

راجعتها الف مرة

القلق والرهبة

جا دوري اخيرا

قدمت اوراقي

دفعت الفلوس 100 دولار

ادوني رقم تاني وقالولي انتظر دورك للمقابلة

تااااااااني

يالله الله المستعان

الانتظار صعب دائما

اخيرا جا دوري

تقدمت للشباك

ست كبيرة في السن هي اللي عملتلي المقابلة

الاسئلة كانت:ليش تبغى تروح امريكا؟

ايش تبغى تدرس هناك؟

ليش المدينة دي بالذات اللي اخترتها؟

عندك احد من اهلك هناك؟

تعرف احد هناك؟

طبعا جاوبت على كل الاسئلة بصراحة

قالتلي اوراقك كاملة وحنرجع نتصل بيك بعد اسبوع او اسبوعين

الله وياك(هادي قالتها بالانجليزي)ا

خرجت من السفارة وانا اتخيل المنظر بعد اسبوعين

حيدوني الفيزا

حيرفضوا طلبي

لالالالالا ان شاء الله ما اترفض

تعبت وانا اجري بين الوظيفة والبعثة

خلاص ابغى استقر على شي

موقف حصل معايا جوة السفارة:كنت قاعد استنى دوري للمقابلة وفي اتنين قاعدين ورايا يتكلموا مع بعض

الموضوع كان الدراسة والسفر لامريكا وفوائده ومضاره

واحد منهم كان راجل كبير شوية في السن في الاربعينات يمكن والتاني شب

المهم فالراجل الكبير بيقول للشب كلام وبعدين قالو كلمة بالانجليزي(CULTURAL SHOCK)

فالراجل بيغى يترجملو هي بالعربي مهو قادر يجيب الكلمة الصح

فالتاني يبغى يسوي فاهم قالو:كالتشرل يعني مزرعة!!!!!!!!!!!!!!!!!!؟؟؟؟؟؟؟؟؟؟؟؟

وقاعد يتفلسف عليه من الصبح الولد

بس ما اقول غير الله يخارجنا

ادعولي يا شباب الله ييسرلي ويكتبلي اللي فيه الخير

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s