من جدة….إلى الرياض

يوم الجمعة ركبت الطيارة وطرت للرياض علشان مقابلتي مع السفارة الامريكية يوم السبت
طبعا انا اعرف كيف الرحلة بتكون من اول ما اركب الطيارة

يعني حتكون مريحة ولا مقرفة

وللاسف كانت الرحلة تبشر بالقرف
الطيارة ملياااااااااانة على الاخر

والطيارة معفنة وكانها باص نقل جماعي

طبعا حصلي موقف خطييييير
جلست في كرسيي وكان جنبي اتنين(زحمة)وكان غي واحد لبناني واقف قدامنا بينتظر حاجة
جاله المضيف وسالو:عندك شي يا اخ؟
اللبناني شكلو كان قرفان زيي فطلعلو البوردنج حقو وقالو:هايدي مقعدي واشرله على المقعد اللي يقعدو عليه المضيفات(شكلو مالقا حجز ولازم يطلع الرياض)ا
اوكي؟
رد المضيف:طيب
شوية واللي جنبي يقول:هاذا الرجال حقير
قلت: نعم؟؟؟
قال:هاذا الرجال حقير
قلت :ليش؟؟؟
قال:ياخي كده يتكلم مع المضيف باسلوب…….ماعجبني
اصلا هادول الامريكان شايفين نفسهم دايما
الامريكااااااااااان؟؟؟؟؟؟
فين الامريكان؟جالس اطالع يمين يسار ادور على الامريكان اللي بيتكلم عليهم السيد طلع انو قصدو على اللبناني الواقف امامنا
تاكدت بعدها اننا لسه بخير
وعش رجبا ترى عجبا
المهم نرجع للرحلة
اقلعت الطيارة وطبعا لكم الله طول الرحلة واحنا خضخضة
تقول طيارة المراعي او الصافي
يبغوا يسونا لبن
مافي غير مطبات وحفر(ياربي حتى في الجو يعني)ا
المهم وصلنا بالسلامة والحمدلله ونزلنا المطار
وهادا راح يكون موضوع البوست الجاي

Advertisements

5 thoughts on “من جدة….إلى الرياض

  1. طيب ما فهمت .. قعد في مقعد المضيفة ولا قعد في عبها
    ولا نزلوه من الطيارة

    إيش نهاية اللبناني فين جلس

  2. هو جلس في مقعد تاني غير مقعد المضيفة
    لقوله واحد على قدو
    على فكرة مو الاخ طلع امريكي على راي الاخ اللي في الطيارة؟والامريكان حقيننا على قول صاحبكم ابي اذن الواد حيقبل اكيد ولا كيف؟؟؟

  3. طيب افرض وجه المضيفة كانت على الباب او الممر؟؟؟
    الواسطة هنا تكون اجمد لتحويل وجه المضيفة مو مقعد السعودي

  4. هلا والله باأستاذ احمد

    ايش كانت راكب من طياره دلتا ولا يونايتد احمد ربك ياعم انتا في احسن اسطول طيران في العالم الخطوط الجويه العربيه السعوديه يااا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s