شبابنا….والحلم الأمريكي

طبعا كلنا عارف ثورة البعثات اللي صايرة عندنا في البلد والاعداد الهائلة اللي جالسة تطلع علشان تاخد البكالوريوس والماجيستير والدكتوراة

شئ جميل ومفرح انو البلد تتطور علميا بس ممكن نتوقف مع حاجة مهمة

انواع الطلاب اللي طالعين

طبعا الوزارة حطت شروووووووووط طويلة عريضة للابتعاث واللي ماتنطبق عليه الشروط ماراح ينقبل ووووو…..ا

كلو طلع كلام في الهوا كالعادة

الشباب اللي طالعين اغلبيتهم طبعا رايحين ياخدوا بكالوريوس

وهذا المفروض يحصل انهم اكثر نسبة في العدد

بس نلاحظ انو عدد كبير من اللي بيطلع بيكون حاط في بالو هدف واحد من سفرتو دي

يتعرف على البناااااااااااااااااااااااااااااااااااات ويعيش حياتو

وطبعا محد مايعرف ايش يعني لمن يفكر شبابنا في البنات

اخرتها اولاد غير شرعيين 🙂

المهم غير طبعا اللي بيكون عايش طول عمرو في بيئة ومجتمع مقفل وفجأة يلاقي نفسو انحدف في بلد مفتووووووح على الاخر

يعني لو يمشي عريان الاخ محد راح يقولو: عيب ياورع استح

هادا الشي راح يكون لو تاثير سلبي على البلد لمن يرجعوا دول (هادا اذا رجعوا)ا

ايش الحل في رايكم؟؟؟

نقنن البعثات؟نعمل فلترة للشباب الطالعين او على الاقل دورة تاهيلية للشباب الطاحس

المشكلة اني شايل هم اذا طلعت هناك ايش راح الاقي؟

الشباب يقولولي هناك كانك في بلدك

السعوديين عن اليمين وعن الشمال قعيد

والله هاذي حالة

احنا شاردين منهم يطلعولنا هناك

يالله الله يقدم اللي فيه الخير

في النهاية بس حابب احكيكم حكاية قالي هي صاحبي امس

يقول انو راح يودي صاحبو المطار لانو مسافر لبلاد العم سام

وهناك في الصالة منتظرين دورهم الا جاهم واحد(من الشباب الطيبين)ا

قالهم:الشباب رايحين على امريكا؟

طالعوا فيه وقالوله:واحد مننا هو اللي رايح

طالع في الشب الرايح وقاله:هاااه يعني سوا؟تخاويني

الاخ رايح امريكا ويبغى الرجال يخاويه؟طالعين البر انت ووجهك

هادا كان موجز الاخبار واليكم التفاصيل 🙂

Advertisements

5 thoughts on “شبابنا….والحلم الأمريكي

  1. يالطيف، الله يستر على شبابنا و ياريت فعلا تكون هناك ضوابط قبل قبول الإبتعاث يعمل بها، مو سبهللة
    على فكرة، كلمة سبهلله هي كلمة عربية فصحى

  2. هذا آخر ترم لي في أمريكا انشالله.. أبنحااااااااااااااااش و أخليها لكم

    هو فعلا القبول كان عشوائي… مع انه المفروض نخبة الطلاب هي الي تستاهل انها تطلع برا و تدرس في جامعات صح.

    معهد اللغه صاير حفله… كلاسات ثلاث أرباعها سعوديين. و المشكلة أغلبيتهم في أول مستوى

    و فعلا مشكلة كثير منهم جايين عشان بنات و فله… و فيه كثييير منهم جايين لغة و يمشون….

    المشكله خطتهم يرسلون 5000 طالب سنويا… مستحيل تتابع كل هالطلاب…

    خلها ألف طالب أو خمسمية… بس أرسل ناس فاهمه.

    شكله فتح باب غير رسمي للهرجه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s