التواضع سيد الأخلاق

أظن-ولست بمتاكد-انه حديث شريف والله اعلم

المهم انو التواضع صفة محمودة وخاصة لمن يكون التواضع من اناس لهم قدرهم ووزنهم ومكانتهم الاجتماعية في البلد

فمابالك لمن يكون ابن زعيم او حاكم؟

اظن معظم ابناء الحكام العرب يفتقدون لهذه الصفة بطبيعة تربيتهم والبيئة المحيطة بيهم ونوعية الناس اللي تتعامل معاهم

يمسحوا جوخ الين يطلعلهم صاحب

بس لكل قاعدة شواذ

يوم الخميس كنت مع اصحابي في مطعم الخليج الصيني اللي في الروضة

دخلت ولقيت اصحابي سبقوني وجالسين ينتظروا طاولة فاضية-وكنا اربعة اشخاص-سلمت عليهم وقعدت انتظر

شوية صاحبي يقولي:شفت القاعد في ديك الطاولة-واشرلي بيده اليها؟

قلتله بعد البحث عن الطاولة المقصودة وانا اقلب في راسي مين يكون الشخص المعني:لا مين؟

قالي:خالد بن عبدالله

قلتله:خالد بن عبدالله؟اي خالد بن عبدالله؟

قالي:حق الاهلي

خالد بن عبدالله بن عبدالعزيز

ابن الملك عبدالله

والله كان منظر يشرح الصدر

الرجل قاعد وسط اصحابه-او اعضاء النادي الاهلي-كانو واحد منهم

واللي شدني اكتر انو قاعد بدون حراسات-او واضحة على الاقل اذا كان فيه دبس-وبدون ما يقفلوله المطعم والشارع والمنطقة

قعدنا في الطاولة المجاورة لطاولته

وانا جي اقعد كان هو قام من طاولته وجاي ماشي

والله قمة التواضع انو مشي من الطاولة ومعاه صاحبو او المرافق الشخصي له-بس ما اظنه الا صاحبو-والباقيين قاعدين يكملوا عشاهم

ماطلب منهم وامرهم انهم يسيبوا عشاهم ويمشوا لانو ماشي

لا….. سابهم بكل بساطة ومشي

هل نقص شي منه؟

هل نقص من قيمته لمن عمل كده؟

ما اظن

بالعكس كبر في عين اللي كانوا في المطعم اكتر

واللي مايعرفوا من قبل عرفوا

بس عرف انو ابن الملك عبدالله ..المتواضع

…..

من شابه اباه فما ظلم

اخيرا بس حابب اقارن بين هادا الموقف وبين موقف حصل برضو مع ابن ملك

بس هاداك كان على النقيض من الرجل المتواضع

قبل 3 سنوات في السوليدير في بيروت

وفي عز الزحمة وفي وسط الصيفية

نزل …. لبيروت

وصنفلوا مزاجوا انو ينزل يقعد في السوليدير”الوسط التجاري لبيروت”ا

طبعا انواع الحماية والسيكيوريتي والبوديجارد و…..ا

طبعا الناس كلها اتضايقت

بس ايش زاد له بالشي اللي عملو؟

وايش نقص لخالد بن عبدالله؟

اظن الجواب معروف

الامير خالد

Advertisements

3 thoughts on “التواضع سيد الأخلاق

  1. ما يكبر الإنسان إلا عملو الصالح ومايصغرو إلى عملو السيء
    كلمة أبو عبدالله بن عبدالعزيز الله يوفقو لما في صلاح الأسلام والمسلمين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s