Mac+VW=A Mac user???

اليوم حصلي موقف ظريف

(تنبيه: كل الكلام المكتوب ادناه انقال بالانجليزي ومترجم للبلدي)

واحنا قاعدين في كلاس الGrammar والمدرسة بتشرح شي

فكتبت مثال انها تتمنى لو درست في هارفردمع بيل اجراس(جيتس)

المهم انا قلتلها: مين الي يبغى يدرس معاه اصلا؟

قالت ليش؟ انا احب بيل جيتس

قلتلها: اصلو حرامي والسيستم حقو نصب ولاهطو (حقيقة وليس إدعاء)

قالت: بس دا بيل جيتس و..

قلتلها: معلييييش

المهم نط واحد من ورا شكلو كان نايم فقال: ايوة بيل جيتس ذكي( الشاب دا سعودي للمعلومية)

طبعا رديت وقلت انو ماشم ريحة الذكاء -تكنولوجيا-

اخر شي صاحبي قال للمدرسة: تراه يقول كده لانو ماك يوزر

أنا بكل فخر قلتلها: طبعا

المدرسة:آآآآآه انا برضو بأقول كده ودا شي منطقي

شكلك يقول انك ماك يوزر:

شعرك الطويل

تصرفاتك وكلامك

وأكيد سيارتك فولكس واجن!!

؟؟#❊^&***

أنا أحسبها تمزح او شافتني بالسيارة من قبل

فسألتها قالتلي: أبدا ولا أعرف أصلا ايش سيارتك

بس فيه قاعدة في أمريكا

اذا انت ماك يوزر فغالبا سيارتك فولكس

عندها بس افتكرت لما جيت اشتري ماكي واحد من اصحابي (صرلو هنا ٥ سنين) قالي: ايوة ويصير مو ناقصك الا تشتري فولكس واجن عشان تكمل

انا وقتها مادققت

ولا كنت حاط في بالي اني اشتري فولكس أصلا

سبحان الله

هل هذا دليل على شي؟؟

فلة