الله يا الأخضر

 (…..الله يا الأخضر يافن وطرب……علم خصومك وش معنى اللعب)

والله يا ناس مسخرة مابعدها مسخرة

4-0

ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني كل الامكانيات محطوطة تحت يدهم

فلوس……….وموجودة

ملاعب……..احسن ملاعب

دعم معنوي………….مااظن فيه احسن من كده دعم

اظن لو عذبوهم زي ماكان يسوي عدي ولد صدام يمكن كانوا جابوا نتيجة مشرفة

وعلى سيرة مشرفة اللي يضحكك انو المعلقين عندنا حتى لو انهزمنا 8 زي ايام المانيا يقولك(والله العيال مستواهم مشرف)لا بالله

 (مستوى المنتخب مشرف) 

ياشيخ روحوا ناموا ولا شوفولكم شغلة غير مسح الجوخ

على كل ماراح نوصل لمستوى مشرف الا اذا طبق الاحتراف بمعناه العالمي

مو لاعب ينتقل من الهلال للاتحاد سموه احتراف

ولا واحد طلع بريطانيا يلعب في فريق في الدرجة ال16 وياريتو لعب زي الناس

دي كلها 6 دقايق اللي لعبها في الموسم كلو والى يومك هادا يقولك(الذئب لما احترف في بريطانيا)بالطريقة دي عمرنا ماحنفوز او نقدم مستوى مشرف

على كل اللي اتفرج مباراة منتخبنا امس وشاف مباراة تونس بعدها عرف الفرق بيننا وبين غيرنا

رغم انو تونس بلد عربي كمان

ومنتخبهم ماعندو الامكانيات المقدمة لمنتخبنا

بس الصراحة خسروا بشرف

ومن مين……اسبانيا

ابشركم

مباراتنا الجاية قدام اسبانيا كل واحد يجهز نفسو انو يستقبل اي نتيجة

اي نتيجة

حتى لو كانت 8-0 تانية

بس على كل مانقول غير(الله يا الأخضر)ا